因為公司近日唔係好多野做, 所以我就同老闆講, 不過比我放下假, 一來我三年未放過大假, 二來0的野0係屋企做都係一樣...

放假唔代表要出街, 因為我起身已經係下午0既兩點幾, 當我一個人0係一個寂靜0既環境加一個人霸住張大床, 我係可以訓好奈好奈0既, 本來想訓到三點, 不過唸唸下都係算la, 訓到咁晏咪晒左個假期囉...

起左身冇野做咪做下家務整下餸上下網又做下野, 話咁快就6點, 有時0的人話冇野做時間好難過, 其實我以前唔洗做野, 每一日都好快過架咋, 因為起身都晏就la嘛! 之後我遲食野, 所以咪等埋晶佬番黎先一齊食飯, 然後齊齊坐0係度睇電視囉...

呢0的咁簡單0既生活簡直係我0既夢想, 如果每一日都係咁就好了, 有些人天生喜歡工作, 因為工作可以令人有存在感, 不過我真係一個超級大懶蟲, 可以訓到自己醒0既生活簡直係夢寐以求, 其實我真係當訓覺好似嗜好一樣, 晶佬成日都問我, 點解我成日都話要訓覺, 我都唔知點解, 總知就好鐘意訓覺啦, 有時我話不如一齊訓晏覺, 晶佬話日光白白訓黎做咩, 我話訓左會開心0的囉, 可能佢工作時間長, 自己0既時間小, 所以佢寧願做自己野都唔會揀訓覺囉...

不過回到現實, 我唸我呢個夢想呢十年都冇可能成真, 人大左要負責0既野會好多, 唔係話自己想做就做到, 而我只好回味那不用工作的六年生活啦...

有點題外話, 我發覺現在的年青人唸0既野, 做0既野都好奇怪, 做錯事總係不懂得負責任, 總係倚賴別人而不好好管理好自己, 我成日話, 應該比0的後生跌下先0岩, 不過跌左佢地都唔知發生咩事咁, 真係嘔血, 錯唔緊要, 要明白個道理先0岩, 或者因為太多0既溺愛同照顧都令到年青的一輩唔知道咩叫負責任吧...